21 От ыйа 21.07
  • 22°
  • $ 88,02
  • 96,04

ХИФУ салалтата хотугу норуоттар устудьуоннарыгар социальнай төлөбүрү төннөрөрү эттэ

16:01, 18 ноября 2020
Текст:
Читайте нас на
Яндекс Новости
ЯДВ

ХИФУ ректора Анатолий Николаев хотугу норуоттар үөрэхтээһиннэрин өйүүр миэрэлэр тустарынан мунньахха кыттыыны ылла. Кини аҕыйах ахсааннаах норуоттар үөрэҕириилэрин хаачыстыбатын үрдэтиигэ университет оруолун кэпсээтэ, суруйар СИА.


Ректор Анатолий Николаев эппитинэн, ХИФУ-га улахан эппиэтинэс сүктэриллэр: Арктикаҕа уонна Уһук Илиҥҥэ туһаайыллыбыт региоҥҥа соҕотох федеральнайдааҕы университет буолар. 400 хайысхалаах бырагырааманан үлэлиир. «Билигин үөрэх кыһата сайдыыга туһуланар. Уопсастыбаннай уонна судаарыстыбаннай сакааска олоҕурар университет саҥа миссията оҥоһулунна. Киһи кыһалҕаларын быһаарыыга ананар үөрэхтээх саҥа көлүөнэ профессионаллар тахсыахтаахтар», – диэтэ кини.

ХИФУ-га хотугу норуоттар 1195 бэрэстэбиитэлэ үөрэнэр. «Кинилэр ордук инженер, педагог уонна социальнай-гуманитарнай хайысхалары талаллар, хайа дьыалатыгар интэриэстэрэ улахан. Хотугу уонна Арктика улуустарыгар кадрга наадыйыы улахан, онон муниципалитеттар эдэр кадрдар олохсуйалларыгар, үлэлииллэригэр инфраструктураны тэрийиигэ күүскэ ылсыахтарын наада. Олох биир сиргэ турбат», – диэтэ Анатолий Николаев.

Салайааччы эппитинэн, хотугу норуоттар бэрэстэбиитэллэрин өйүүр миэрэлэр тустарынан ыйытыы киирэр. Бастатан туран, 2016 сыллаахха тохтотуллубут — биир кэмнээх социальнай көмө туһунан. «Бу суума биир устудьуоҥҥа 16 тыһ солк тэҥэ. Бу практиканы төннөрөр туһунан этиилээхпит. Маны сэргэ КМНС-тарга анаммыт бюджет миэстэтин элбэтэр туһунан кэллиэгэлэрим этиилэрин өйүүбүн», – диэн түмүктээтэ үрдүк үөрэх кыһатын салайааччыта.

Следите за самым важным и интересным в Telegram-канале и WhatsApp-группе ЯСИА