Чэппиэргэ, алтынньы 5 күнүгэр, «Бүлүү» суолугар Горнай оройуонугар бензин тиэйэн испит КамАЗ түҥнэһиннэ диэн экология министиэристибэтэ иһитиннэрэр. Тырааныспар нефть бородууктатын тиэйэн испит.
Саахал Бэрдьигэстээх уонна Магарас икки ардыгар таҕыста. Онно экология министиэристибэтин судаарыстыбыннай экологическай надзорун исписэлиистэрэ тута таҕыстылар. Кинилэр нефть тохтубут сирин көрүөхтэрэ уонна боруобаны ылыахтара.
Айылҕаҕа төһө улахан буортулаах хоромньуну тахсыбытын быһаарыахатара, ону тэҥэ Саха сирин прокуратуратын кытары бэрэбиэркэ ыытыллыаҕа.
