19 Тохсунньу 19.01
  • -48°
  • $ 73,82
  • 83,32

Дьокуускайга саха аһыгар аналлаах тэрээһин буолла

14:02, 27 ноября 2017
Текст:

Ааспыт нэдиэлэҕэ саха аһыгар анаммыт «Алаһа дьиэ арчыһыта, иэримэ дьиэ иэйэхситэ» диэн сахалыы сиэрдээх-туомнаах тэрээһин буолла.


Сэтинньи — Байанай ыйа. Өбүгэ төрүт аһын сөргүтэр аналлаах сонун тэрээһини Арчы дьиэтэ тэрийэн ыытта. Манна хаһаайкаларга саха аһын хайдах астыырга сүбэ-ама биэрдилэр уонна күрэс буолла. “Саха” НКИХ ханаалыгар “Айыы оҕото” биэрии ыытааччылара Уйусхаана, Сайнаара уонна Сайдам Саввиновтар ыалдьыттаатылар. Кинилэр мустубут дьону кытта “Күөсчүт алгыһа” диэн тиэмэҕэ кэпсэттилэр. Алгыс ылыы сиэрэ-туомун, аска алгыһы түһэрии хайдах ааһарын көрдөрдүлэр.

Уйусхаана: “Киһи айыы аһын аһыахтаах, оччоҕуна төбөтүгэр үчүгэй эрэ санаалар киирэллэр, туга барыта табыллар. Куһаҕан астан – доруобуйаны урусхаллыыр астан киһи ыалдьыан сөп. Оҕону кыра эрдэҕиттэн аһы уорар куһаҕан диэн өйдөбүлгэ уонна дьоҥҥо бэрсэргэ үөрэтиэхтээхпит”, — диэн кэпсээтэ.

Маны таһынан, саха аһа наука өттүнэн туһалааҕа дакаастанна диэн научнай үлэһиттэр, биллэр рестораннар сүрүн асчыттара тыл эттилэр. Үөрэ отуттан утахтары, бүлүүдэлэри оҥоруу туһунан саҥа босуобуйа тахсыбытын дьон сэҥээрдэ.

Түмүккэ, киирии билиэттэринэн эт, арыы, собо, отон о.д.а минньигэс бириистэрдээх лотерея оонньонон мустубут дьон үөрэн-көтөн тарҕастылар.

0
0
Тутаах тыллар
19 января 19.01
  • -48°
  • $ 73,82
  • 83,32