20 От ыйа 20.07
  • 22°
  • $ 88,02
  • 96,04

Бүлүү улууһугар ОДьКХ үлэһиттэрэ оҕолору умайа турар дьиэттэн быыһаатылар

Фото: ГУП «ЖКХ РС (Я)»
Читайте нас на
Яндекс Новости
ЯДВ

Ыам ыйын 16 күнүгэр Бүлүү оройуонун Халбаакытыгар «СӨ ОДьКХ » ГУП икки үлэһитэ үс оҕону умайа турар дьиэттэн быыһаатылар. Бу туһунан хампаанньа пресс-сулууспата иһитиннэрэр.

Хочуолунай оператора Борис Ефипанов уонна сварщик Афанасий Николаев быһылаан сириттэн чугас олороллор. Баһаар буолбутун бэлиэтии көрөннөр, тута көмөҕө тахсыбыттар. Афанасий түннүгүнэн оҕолор тоҥсуйалларын көрбүт.

Оҕо умайа турар дьиэтиттэн балтын уонна быраатын бэйэтэ таһаара сатаабыт. Эр дьон уолуйбакка эрэ, оҕолор түннүк нөҥүө тахсалларыгар көмөлөспүттэр. Ол кэннэ, чугас олорор ыаллары кытары баһаары умулларааһыҥҥа туруммуттар.

ОДьКХ үлэһиттэрэ бэлиэтииллэринэн, бэйэлэрин дьоруой курдук санамматтар. Кинилэр этэллэринэн, маннык быһыыга-майгыга ким да туора туруо суоҕа эбитэ буолуо.

Следите за самым важным и интересным в Telegram-канале и WhatsApp-группе ЯСИА