23 От ыйа 23.07
  • 28°
  • $ 87,78
  • 95,76

Айсен Николаев: «Өрөспүүбүлүкэ госаппараатын сарбыйан, миллиард аҥаарын кэриҥэ үбү кэмчилиэхпит»

12:43, 17 июля 2018
Текст:
Читайте нас на
Яндекс Новости
ЯДВ

Бырабыыталыстыба уонна Ил Дархан дьаһалтатын үлэһиттэрин ахсааннарын сарбыйыы түмүгэр кэлэр сылтан миллиард аҥаарын кэриҥэ үбү кэмчилиэхпит диэн Айсен Николаев ТАСС сонуну киэҥник тарҕатар ааҕыныстыбаҕа интервью биэрэригэр эттэ. Үлэһит илии аҕыйаабытын биэдэмистибэ иһигэр үлэ туһатын уонна көдьүүһүн улаатыннарыы толуйуохтааҕын кини бэлиэтээтэ.   

edersaas.ru

Чунуобунньуктар үлэлэрэ аны отчуотунан буолбакка дьон олоҕо төһө тупсубутунан сыаналаныаҕа. Эрэгийиэн Ил Дарханын э.т. эппитинэн, бырабыыталыстыба хас биирдии чилиэнигэр хайысхаларынан арахсан, туһунан KPI көрүллүөҕэ. Сүрүн ирдэбил быһыытынан чиэһинэй уонна бэйэтин эйгэтигэр уһулуччу билиилээх буолуу хаачыстыбата ыйыллыбыт.

«Бырабыыталыстыба салгыы уларыйан иһиэ. Каадыр резервэтигэр элбэх киһи баар. Биһиги бастатан туран, кинилэр дьоҕурдарын арыйалларыгар кыах биэриэхпит. Иккиһинэн, улуустарга социальнай лифт үлэлиэҕэ. Ол аата биир оройуоҥҥа олох күөстүү оргуйар, оттон ыаллыы улууска тэҥ усулуобуйаҕа сайдыы барбат түгэнигэр, үлэһит киһи биир таһым үрдүүрүгэр усулуобуйа тэрийиэхпит», — диэн этэр Айсен Николаев.

Марианна Тыртыкова, «Саха сирэ», edersaas.ru

Следите за самым важным и интересным в Telegram-канале и WhatsApp-группе ЯСИА