Саха сиригэр 3 — 7 саастаах оҕолордоох дьон счеттарыгар 324 мөл солк ыытылынна. Бэс ыйын 9 күнүнээҕи туругунан, барыта 30 701 сайаапка оҕолоох ыалтан киирбит, СИА үлэ министиэристибэтин пресс-сулууспатыгар сигэнэн суруйар.
Ыйдааҕы төлөбүр анаммыт ыйын кэнниттэн кэлэр ый 26 чыыһылатыгар диэри төлөбүр счетка ыытыллар. Төлөбүр ананыытын туһунан быһаарыы ылыллыыта — сайабылыанньа бэриллибитин кэннэ 20 хонукка диэри. Сайабылыанньаны бу порталга бэриллэр: gosuslugi.ru/397203/1. Докумуону толорорго 0 — 18 саастаах оҕоҕун барытын киллэрэҕин.
Ыйытыылары: 88001001403 эбэтэр олорор сиргинэн социальнай харысхал управлениетыгар биэриэххэ сөп.
