Москва метротугар алтыс төгүл дойду уратытын чопчулуур, дьоҥҥо-сэргэҕэ билиһиннэрэр ис хоһоонноох «Уһук Илиҥҥи экспресс» үлэтин саҕалаата. Россия бырабыыталыстыбатын вице-премьерэ — дойду бэрэсидьиэнигэр Уһук Илин федеральнай уокурук боломуочуйалаах бэрэстэбиитэлэ Юрий Трутнев үөрүүлээх тэрээһиҥҥэ кыттыыны ылла диэн НВК Саха телеграм-ханаал суруйар.
Быйыл дойду үрдүнэн ураты, бэлиэ бырааһынньыктарга болҕомтону уурбуттар. Ол курдук, Саха сирин Ыһыаҕа, Приморьеҕа — Баабыр күнэ ойууламмыт. Пуойас Москва олохтоохторугар уонна ыалдьыттарыгар Уһук Илин кэрэ көстүүтүн, баай култууратын көрдөрүөҕэ.
