Өрөспүүбүлүкэтээҕи ат сүүрдүүтэ регионнааҕы Роспотребнадзор сүбэтинэн көстө. Күрэхтэһии АГАТУ ипподромугар Дьокуускай куоракка ыам ыйын 30 күнүгэр буолуохтааҕа, СИА суруйар.
Бырагыраама быһыытынан, өрөспүүбүлүкэ күүстээх сүүрүк аттара стартка тахсыахтаахтара. Аҕыс түһүмэҕинэн 800-тэн саҕалаан 3200 м диэри түһүөхтээхтэрэ. Миэстэтигэр көрөөччүтэ суох, олохтоох телевидениенан көрдөрүллүөхтээҕэ.
«Быһаарыы Роспотребнадзор Саха сиринээҕи салаатын сүбэтинэн ылылынна. Коронавирус пандемиятынан эпидеомиологическай балаһыанньаҕа олоҕурда», — СИА-ҕа ат спордун Федерацията иһитиннэрдэ.
Күрэхтэһии ыытыллыыта сыстыганнаах дьаҥ хайдах ааһарын кытта ыкса тутулуктаах буолуоҕа.
