Татарстаан Өрөспүүбүлүкэтин киин куоратыгар Казань куоракка Саха сирин күннэрэ үрдүк таһымҥа буолан ааста. Манна Саха сирин маастардара оҥорбут үрүҥ, кыһыл, бриллианнаах киэргэллэрэ, муостан оҥоһуктар быыстапка-дьаарбаҥка үгүс дьон болҕомтотун тарта.
Быыстапка-дьаарбаҥкаҕа РФ үтүөлээх, СӨ норуодунай худуоһунньуга, Сунтаар Сиэйэтиттэн төрүттээх бэйэбит уолбут Константин Мамонтов муостан оҥоһуктара улахан интэриэһи тарта, сэҥээриини ылла. Казаннааҕы художественнай техникум устудьуоннарыгар, оскуола оҕолоругар, улахан дьоҥҥо маастар-кылаастары ыытан, кыттыылаахтар ис сүрэхтэн баҕаран туран дьарыктанан, улаханнык астыннылар.
Татарстаан национальнай мусуойугар «Уус уонна иис: декоративно-прикладное искусство народов Якутии» ыытыллыбыт быыстапкаҕа Константин Мамонтов икки үлэтинэн кытынна уонна «На вечной мерзлоте» оҥоһугун Татарстан Өрөспүүбүлүкэтин национальнай мусуойугар бэлэх уунна, суруйда Раиса Артемьева https://www.instagram.com/suntaar_sonunnara/
