«Сайыҥҥы биир күн дьылы аһатар» — диэн өбүгэлэрбит этиилэрэ Таатта улууһун Харбалаах сэлиэнньэтигэр буолбут субуотунньукка оруобуна сөп түбэһэр. Ол туһунан Таатта хаһыат МАХ ханаалыгар Валентина Кривошапкина суруйда.
Орто Амма нэһилиэк дьаһалтатын тыа хаһаайыстыбатыгар анал үлэһитэ Светлана Петровна Винокурова тэрийиитинэн оттуур сир күрүөтүн абырахтааһыҥҥа субуотунньук буолла. Субуотунньукка сылгы, сүөһү иитэр олохтоохтор көхтөөхтүк кытыннылар.
Дьаһалта үлэһиттэрэ тэҥҥэ тахсан, үлэһиттэргэ минньигэс миини буһардылар, сылаас чэйи бэлэмнээтилэр. Бу күннэргэ ардах түстэр, сирбит өрө тыыныа, от да өлгөмнүк үүнүө этэ, диэн суруллар иһитиннэриигэ.
