17 От ыйа 17.07
  • 20°
  • $ 88,28
  • 96,26

Саха сирин хамаандата Владивостокка буолар «Азия оҕолоро» оонньууларга мэтээллэргэ киирсэргэ бэлэм

16:57, 05 мая 2022
Текст:
Читайте нас на
Яндекс Новости
ЯДВ

«Азия оҕолоро» спортивнай оонньууларга кыттыыга Саха сирин хамаандата күүстээхтик бэлэмнэнэр. Эдэр спортсменнар Россия уонна Уһук Илин киирсиилэригэр сборданаллар, күрэхтэһэллэр. Билиҥҥи туругунан бэлэм 99% тэҥ. Сүрүн хамаанда бэлэм, саппаас баар. Наставниктарынан биллэр спортсменнар үлэлииллэр, ол иһигэр спорт үтүөлээх маастара, норуоттар ардыларынааҕы спорт маастардара. Бу сайын Владивостокка буолуохтаах оонньуулар тустарынан СИА-ҕа спортивнай саппааһы бэлэмниир кииҥҥэ эттилэр. 

«Азия оҕолоро» сайыҥҥы оонньуулар 2020 сылга ыытыллыахтаахтара, ити эрээри пандемиянан уонна да атын биричиинэлэринэн көһөрүллүбүттэрэ. Түмүктүүр быһаарыынан, от ыйын 27 — атырдьах ыйын 8 күннэригэр Владивостокка буолар.

«Биллэн турар кыттааччылар саастара уларыйда. Эрдэ кыттыаҕа диэн былааннаммыт оҕо улаатта, ити эрээри бэлэмнэнии син биир барбыта. Өрөспүүбүлүкэ салалтата бэлэмнэниини үбүлүүр. Толору былаан баар: официальнай күрэхтэһиилэргэ кыттан, сборданан, ол түмүктэринэн бастыҥнартан хамаанда састааба талыллар», — СИА-ҕа киин дириэктэрэ Василий Егоров эттэ.

Билигин хамаанда тренердэрин кытта сбор ааһар. Үгүстэр Дьокуускайга, бириэмэ-бириэмэ атын региоҥҥа баран кэлэллэр. Холобур, самбистар муус устар бүтүүтэ Чебоксартан кэллилэр, харбааччылар Россия Кубогар кыттан баран, Саранскайга сбордаатылар, чэпчэки атлетикалар Санкт-Петербурга, Кисловодскайга, Владивостокка уонна Суздальга күрэхтэстилэр, тхэквондистар тыҥааһыннаах кыраапыктаахтар.

Оҕолорго астара, олорор сирдэрэ, кыттыылара, ол иһигэр бырайыас толору көрүллэр. Владивостокка буолар оонньууларга ханна олороллоро, аһыыллара билиннэ. Саха сириттэн 187 оҕо 18 спорт көрүҥэр кыттардыы барар.

Следите за самым важным и интересным в Telegram-канале и WhatsApp-группе ЯСИА