«Азия оҕолоро» оонньуулар 2024 сылга Дьокуускайга ыытыллаллар. Дойду саамай киэҥ ыҥырыылаах спортивнай дьаһалынан буолуоҕа, ол туһунан тэрийэр кэмитиэт мунньаҕар Айсен Николаев эттэ.
Бырабыыталыстыба бэрэссэдээтэлин солбуйааччы Сергей Местников уонна бастакы солбуйааччы Кирилл Бычков эппиттэринэн, 27 соруктан 23-һэ туолла.
700 мөл солк спортивнай эбийиэктэр өрөмүөннэригэр быйыл туттулунна, эһиил эбии 300 мөл солк бу сыалга ыытыахтара. Тоҕус спорт эбийиэгэр өрөмүөн барар.
Хатаска уонна Сайсаар уокуругар спорт саалалара тутуллаллар, «Дохсуҥҥа» скалодром оҥоһуллар. Суолу өрөмүөннүөхтэрэ, спортсменнар түһэр-олорор сирдэрин бэлэмниэхтэрэ уонна тупсарыыга үлэлиэхтэрэ. Барыта 1,9 тыһ волонтёр хабыллыаҕа, ол иһигэр Россия атын регионнарыттан.
