15 От ыйа 15.07
  • 30°
  • $ 87,74
  • 95,76

Саха сирин 3 - 7 саастаах оҕолоругар ыйдааҕы харчынан төлөбүр олохтонно

10:02, 10 апреля 2020
Текст:
Читайте нас на
Яндекс Новости
ЯДВ

Саха сирин судаарыстыбаннай мунньаҕа, өрөспүүбүлүкэ баһылыга Айсен Николаев көҕүлээбит сокуонун барылын ылынна. 2020 сыл тохсунньу 1 күнүттэн 3 — 7 саастаах оҕолорго өрөспүүбүлүкэтээҕи Ийэ хапытаалын үбүлээһиниттэн ый аайы харчы көрүүтэ олохтонно. Кээмэйэ — ыал тиийинэн олоруутун бигэргэммит кээмэйин 50 бырыһыаныгар тэҥ. Төлөбүрү бэс ыйын 1 күнүттэн ылан барыахтара, диэн СИА иһитиннэрэр.  


Социальнай мэктиэ ааспыт сыл иккис кыбаарталыгар СӨ бигэргэммит зоналарынан ыал орто дохуота тиийинэн олоруу кээмэйиттэн кыра буоллаҕына оҥоһуллар.

Ыйдааҕы төлөбүр оҕо 3 сааһын 2020 сыл тохсунньу 1 күнүн кэннэ туоллаҕына көрүллэр. Аҕыһын туолуор диэри ылар. Өскө ыалга 3 — 7 саастаах хас да оҕо баар буоллаҕына — хас биирдиилэригэр бэриллэр.

«Аадырыстаах төлөбүр кыра дохуоттаах дьиэ кэргэттэргэ туһуланар. Зоналарынан араастаһар. I зонаҕа — 10 274 солк, II зонаҕа – 8 651 солк», — диэтэ үлэ уонна социальнай сайдыы миниистирэ Елена Волкова.

Сиһилии https://ysia.ru/v-yakutii-detyam-ot-3-do-7-let-ustanovleny-ezhemesyachnye-denezhnye-vyplaty/

Следите за самым важным и интересным в Telegram-канале и WhatsApp-группе ЯСИА