14 Атырдьах ыйа 14.08
  • 16°
  • $ 60,9
  • 62,54

Путин этиитин уус алданнар дьиҥ олоххо туһаайылынна диэн бэлиэтээтилэр

10:01, 22 апреля 2021
Текст:

Бэрэсидьиэн туһаайыытын үгүс киһи көрдө-иһиттэ, ол кэнниттэн араас былаһааккаларга – социальнай ситимнэргэ – ырытыһыы, кэпсэтии даҕаны элбэх. Уус Алдан улууһун олохтоохторо санааларын эмиэ эттилэр, суруйар https://www.instagram.com/muru.sahargata/


Анастасия Аммосова, Курбуһах нэһилиэгин дьаһалтатын баһылыгын э.т.:

– Арассыыйа бэрэсидьиэнэ тутууну уонна инфраструктураны сайыннарыы боппуруостарын таарыйбытын астынным. Ити биһиэхэ, тыа сиригэр олорооччуларга, быһаччы сыһыаннаах. Холобур, нэһилиэкпитигэр федеральнай бырагырааманан 50 миэстэлээх оҕо саадын тутуута саҕаланна. Ити «Тыа сирин кэлимник сайыннарыы» бырагырааманан ситиһиллибитэ. Салгыы нэһилиэкпитигэр балыыһа, сынньалаҥ киинин тутуулара былааннаналлар. Олортон биирдэрин эмит эмиэ федеральнай бырайыакка киллэрэр баҕалаахпыт. Онон дойду салалтата тыа сирин сайыннарар бырагырааматын биһириибин.

Михаил Бурнашев, Мындааба орто оскуолатын дириэктэрэ:
– Бэрэсидьиэн дойдуга 1300 оскуола тутуллуо, ону сэргэ үөрэх тэрилтэлэригэр 16 тыһ. автобустар атыылаһыллыахтара диэбитэ ордук сэҥээртэ. Үөрэнээччилэргэ 10 тыһ. солк бэриллэрэ элбэх оҕолоох ыалга улахан көмө буолара саарбаҕа суох. Учебниктар ис хоһооннорун туһунан эппитин эмиэ биһирээтим. Чуолаан, история учебнигын эттэ. Кырдьыга да, сэрии хаамыытын уларыппыт Сталинград, Ленинград кыргыһыыларын туһунан биһиги оҕолорбут билиилэрэ олус татым. Бэрэсидьиэн ити этиитин патриотическай иитиигэ болҕомто ууруллуута дии саныыбын. Онон үөрэх хаачыстыбата, оскуола материальнай базата тупсарыгар дойду салатата үлэлэһэрэ сайдыыны түстүүрэ чахчы.
Дария Федорова, үс оҕо ийэтэ:
– Мин оҕолоох дьиэ кэргэттэргэ болҕомто уурулларын биһириибин. Социальнай төлөбүрдэр элбэх оҕолоох, аҥаардас төрөппүттэргэ көмө буолаллар бөҕө буоллаҕа. Кырдьык, уһуйаан саастаах оҕо ыалдьара элбэх, ол ахсын ийэлэр больничнайга олордохпутуна, хамнаспыт биллэрдик кыччыыр. Онон больничнай лиис 100% төлөнөр буоларыттан үөрдүм. Маны таһынан, оҕолор сайыҥҥы сынньалаҥнарын хааччыйыыга оҕо лааҕырдарыгар путевкалар сыаналарын аҥаарын төннөрөргө этиллибитэ эмиэ дьиэ кэргэн бүддьүөтүн экэниэмийэлииргэ биир туһалаах миэрэ буолуоҕа дии саныыбын.
Следите за самым важным и интересным в Telegram-канале и WhatsApp-группе ЯСИА
0
0