23 От ыйа 23.07
  • 20°
  • $ 87,78
  • 95,76

Оҕо быраастара 2024 сылга Арктика улуустарын барытын хабыахтара

13:02, 16 января
Текст:
Хаартыска: ЯСИА саайта
Читайте нас на
Яндекс Новости
ЯДВ

2024 сыл устата мобильнай биригээдэлэр өрөспүүбүлүкэтээҕи кииннэрин (РЦМБ) быраастара Саха сирин Арктикатын улуустарыгар сылдьан, оҕолор доруобуйаларын көрүөхтэрэ.

Регион салалтатын пресс-сулууспата эппитинэн, Ил Дархан Айсен Николаев Ил Түмэҥҥэ туһаайыытыгар оҕо доруобуйатыгар улахан болҕомто ууруллуохтааҕын эппитэ. Мобильнай быраас биригээдэлэрин үлэлэрэ медицина көмөтүн хаачыстыбатын тупсарар уонна өҥөнү тириэрдэр сыаллаах РФ президенин сорудаҕынан ыытыллар.

РЦМБ быраастарын бастакы биригээдэтин айана тохсунньу 27 күнүгэр Аллараа Халыма улууһугар былааннанар. Састаапка 13 быраас баар, араас хайысханан, ол иһигэр тиис быраастарын бөлөҕө. Икки нэдиэлэ устата бары нэһилиэктэри кэрийиэхтэрэ.

Салгыы былаан быһыытынан Эбээн-Бытантай улууһугар айан баар.

Тохсунньу 31 — олунньу 6 күннэригэр диэри Дьааҥы, Абый, Өлөөн, Аллайыаха, Булуҥ уонна Усуйаана улуустарын хабыахтара.

Санаттахха, 2024 сыл өрөспүүбүлүкэҕэ Оҕо саас сылынан биллэриллибитэ.

Следите за самым важным и интересным в Telegram-канале и WhatsApp-группе ЯСИА