23 От ыйа 23.07
  • 20°
  • $ 87,78
  • 95,76

Нэдиэлэ саҕатыгар Дьокуускай-Покровскай икки ардыгар өрүс мууһа арыллара күүтүллэр

11:03, 15 мая 2023
Фото: Андрей Сорокин/ЯСИА
Читайте нас на
Яндекс Новости
ЯДВ

Сарсыарда Ленскэй оройуонун сиригэр-уотугар Өлүөнэ мууһун хамсааһына саҕаланна. Покровскай-Дьокуускай учаастагар өрүс аһыллыыта ыам ыйын 15-16 күннэригэр күүтүллэр.

Өрөбүлгэ Өлүөнэ өрүс Ленскэй таһыгар аһыллыбыта. Куоракка уу таһыма 1410 см, критическэй бэлиэтэ 1760 см. Муус алын кырыыта Мурья нэһилиэгэр, үөһээ өттө – Хамра нэһилиэгэр көстөр. Саха сирин ЫБМ иһитиннэрбитинэн, бэнидиэнньиккэ-оптуорунньукка Покровскай уонна Дьокуускай диэки муус хамсыаҕа.

Бүгүн Дьокуускай баһылыга Евгений Григорьев иһитиннэрбитинэн, бу нэдиэлэ сүрүн соруга муус устарыгар бэлэм буолар. Бары сулууспалар күүһүрбүт режиминэн үлэлииллэр.

Биэс оройуоҥҥа биэдэмистибэттэн 54 киһи уонна 12 тиэхиникэ оперативнай бөлөхтөрө үлэлиир. Өрөспүүбүлүкэ сүрүн өрүстэригэр уу критическэй таһыма бэлиэтэнэ илик.

Следите за самым важным и интересным в Telegram-канале и WhatsApp-группе ЯСИА
Тутаах тыллар