«Көмүлүөк» хампаанньа «Алтан-Арт» брендэ аан бастаан JUNWEX норуоттар ардыларынааҕы ювелирнай куонкуруска кытынна.
Саха брендэ «Этнический дизайн» номинацияҕа бастаата «Алгыс» («Благословление») комплегынан. Киэргэллэр боруонсаттан оҥоһуллубуттар.
Россияттан уонна тас дойдулартан 500 тахса кыттааччы бэйэлэрин бастыҥ оҥоһуктарын Санкт-Петербург бөдөҥ быыстапкалыыр былаһааккатыгар туруордулар.
Дьүүллүүр сүбэҕэ искусствоведтар, Судаарыстыбаннай Эрмитаж, Нуучча музейын, Российскай этнографическай музей экспертэрэ, ювелирнай дьыала сүрүннүүр исписэлиистэрэ кыттыыны ыллылар.
