Үөһээ Бүлүү улууһугар Василий Степанов — Буучугурас аатыгар хапсаҕайга «А» категорияҕа үгэскэ кубулуйбут өрөспүүбүлүкэтээҕи турнир буолуоҕа. Тэрийээччилэр 150-тан тахса спортсмены күүтэллэр, суруйар ЯСИА.
Турнир хас иккис сылга Үөһээ Бүлүү улууһугар буолар, өрөспүүбүлүкэ күүстээх хапсаҕайдьыттарын мунньар. Быйыл да тэрийээччилэр сулустаах састаабы күүтэллэр.
«Күрэхтэһии олунньу 24 — 25 күннэригэр Үөһээ Бүлүү сэлиэнньэтин буолуоҕа. Көбүөргэ уолаттар уонна эр дьон тахсыахтара, маны сэргэ бэтэрээннэр. Быһа барыллаан 150–200 кыттааччыны күүтэбит. Кыайыылаахтар уонна призердар харчынан бириис тутуохтара», — ЯСИА-ҕа улуустааҕы спорт отделын салайааччыта Егор Николаев эттэ.
Турнир муҥутуур кыайыылаахтарын эмиэ быһаарсыахтара.
