21 Муус устар 21.04
  • $ 93,44
  • 99,58

Дьокуускайга "Вахтовик" киинэни көрдөрдүлэр

15:01, 21 февраля
Текст:
Хаартыска: ЯСИА саайта
Читайте нас на
Яндекс Новости
ЯДВ

«Лена» киинэ тыйаатырыгар олунньу 20 күнүгэр «Вахтовик» кылгас киинэ премьерата буолла. «АртМастерс Регионы» чемпионат регионнааҕы түһүмэҕин чэрчитинэн көрдөрдүлэр.

Киинэни Уһук Илин регион хамаандата уонна «Сахафильм» киинэ хампаанньата оҥордо. «АртМастерс Регионы» бырайыак Россия аҕыс субъегар ыытыллар, талааннарын олох араас эйгэтигэр көрдөрөр айар компетенциялаах дьоҥҥо ананар.

Олунньу 26 күнүгэр кылгас киинэлэр куонкурустара буолар, манна Уһук Илин регион хамаандата уонна «Сахафильм» киинэ хампаанньата кытталлар.

«Вахтовик» киинэҕэ ыал туһунан кэпсэнэр, ыал аҕа баһылыга, кини этэринэн, баахтаҕа үлэлиир. Кэргэнэ уонна кыыһа кини кэлэрин күүтэллэр. Эр киһи сиһин өлөрөн кэлэр, ити эрээри ол туһунан кимиэхэ да кэпсээбэт, тоҕо туохха эчэйбитин кистиир сыалтан.

Ойоҕо кини эрэ баахта үлэһитэ буолбатаҕын өйдүүр, суруналыыстар кинини көрдүүллэрэ саҕаламмытыгар.

««АртМастерс» финалистарын кытта билсибитим, бырайыак интэриэһинэй, миэхэ саҥа. Биһиги — Уһук илин регион хамаандата буолабыт. Маннык уопукка үөрэбин. Кыайыыны баҕарабын», — диэтэ режиссер Павел Ченянов. Кинини «Сахафильм» бырайыакка үлэлэһэригэр ыҥырбыта.

«Сценарий суруйарбар, миигин киһи быһыытынан, дойду гражданинын быһыытынан туох долгутарын кэпсээбитим. Онон киинэ лентата дьон туһунан», — диэтэ сценарист Сергей Корнеев Магадан уобалаһыттан.

Следите за самым важным и интересным в Telegram-канале и WhatsApp-группе ЯСИА