Саха сирин бырабыыталыстыбатын федеральнай былаас уорганнарын кытта бииргэ үлэлээһинэ өрөспүүбүлүкэ сүрүн поставщига «Саханефтегазсбыт» АУо-тан сөптөөх уматык саппааһын хааччыйарга кыах биэрдэ. Бу туһунан от ыйын 14 күнүгэр брифиҥҥэ Саха Өрөспүүбүлүкэтин гражданскай оборона дьыалаларыгар уонна нэһилиэнньэ олоҕун-дьаһаҕын куттала суох буолуутун хааччыйыыга миниистир Дмитрий Лепчиков иһитиннэрдэ.
Миниистир этэринэн, Арассыыйа бырабыыталыстыбатын бэрэссэдээтэлин солбуйааччы Александр Новак сорудаҕынан хотугу тиэйии-таһыы тутаах кээмэйэ быһаарыллыбыт. От уонна атырдьах ыйдарыгар тиэйии кыраапыктара бигэргэтилиннилэр, толоруулара Россия энергетикаҕа министиэристибэтин уонна Уһук Илини уонна Арктиканы сайыннарыыга министиэристибэтин хонтуруолугар турар.
«Биһиги «Полярные авиалинии» авиахампаанньаҕа кыраһыыны аҕалыыны тириэрдэр кыахтанныбыт, биржевай сөбүлэһиилэри көтүрүүнү кытта боппуруоһу көннөрөн, «Газпром нефть» хампаанньаны кытта тимир суол транспорынан дизель уматыгын быһаччы аҕалыы туһунан эрдэттэн дуогабары ситиһэр кыахтанныбыт», – диэн Дмитрий Лепчиков бэлиэтээтэ.
Миниистир бүгүҥҥү туругунан «Саханефтегазсбыт» АУо-нан сөптөөх уматык саппааһа тэриллибитин тоһоҕолоон бэлиэтээтэ. Итини тэҥэ сапараапкалыыр ыстаансыйалар бөдөҥ ситимнэригэр тириэрдии толору туруктаах буолуохтарыгар диэри уматыгы хааччахтыыр дьаһал салгыы дьайар. Кинилэр “ажиотажнай” ирдэбили тохтоторго, резервуардары кураанахтааһыны тохтоторго уонна ниэп бородуукталарын биир тэҥник үллэриини хааччыйарга наадалар. Канистраҕа уматыгы сапараапкалааһын быстах кэмҥэ оҥоһуллубат.
Ылыллар дьаһаллар бары хотугу тиэйии кэмигэр өрөспүүбүлүкэ олохтоохторун, тэрилтэлэри уонна бастатан туран, Арктика зона нэһилиэнньэлээх пууннарын уматыгынан кэмигэр хааччыйыыга туһуланаллар.
