Быстах хомуурга сыыһа түбэспит 300 кэриҥэ киһи Саха сиригэр төннүбүт. Бу туһунан СИА-ҕа өрөспүүбүлүкэ уопсастыбаннай палаататын бэрэссэдээтэлэ Николай Бугаев иһитиннэрдэ.
«300 кэриҥэ сыыһа мобилизацияламмыт дьон төнүннэ, билигин бары өрөспүүбүлүкэҕэ бааллар. Военкоматтарга доруобуйаны тургутан көрөр хамыыһыйалар аһылыннылар. Быстах хомуурга түбэспит дьоҥҥо көмөлөһөр штаб үлэтин салгыыр. Атыылаһыллыбыт спальнай мешоктары Приморскай уонна Хабаровскай кыраайдарга, ону тэҥэ Бурятия Өрөспүүбүлүкэтигэр ыыттыбыт», — диэн иһитиннэрэр Бугаев.
Кини Саха сирин уопсастыбаннай паалататын чилиэннэрэ Бурятияҕа уонна Хабаровскайга мобилизацияламмыт дьоҥҥо көмөнү оҥорорго үлэлииллэрин бэлиэтээтэ.
