Саха сиригэр «Эдэр табаһыт» бырайыак үлэлиир. Олохтоох эдэр табаһыттар дьиэ тутталларыгар эбэтэр атыылаһалларыгар судаарыстыба көмөлөһөр. Бырагыраама кыттыылааҕа, Булуҥтан Иннокентий Скрыбыкин өйөбүл суолтатын туһунан СИА-ҕа кэпсээтэ.
Иннокентий Скрыбыкин «Эдэр табаһыт» бырагырааманан судаарыстыбаттан 1 мөл солк көмөнү ылбыт 11 киһиттэн биирдэстэрэ. Көрүллүбүт үбүнэн дьиэ туттуохха, атыылаһыахха уонна ипотекаҕа бастакы төлөбүрүн оҥоруохха сөп.
Эдэр табаһыт кэпсээбитинэн, чуолаан кини бэриллибит көмө харчыны дьиэ туттуутугар ыыппыт.
«Маннык көмө үлэлииргэ стимул биэрэр уонна салгыы сайдарга кыах үөскэтэр. Табаһыттары өйүүр хайаан да наада, үлэ наһаа ыарахан, хамнас кыра», — диэтэ кини.
Кини салгыы эппитинэн, маннык көмө эдэрдэр төрүт дьарыкка сысталларыгар олус туһалаах. Билигин Иннокентий ыстаадаҕа баар, кини хонтуруолугар 1200 төбөлөөх.
