Россияҕа булт саатын харайыыга, туттууга, илдьэ сылдьыыга, атын омук дьонугар биэриигэ көҥүл биэрии бэрээдэгэ саҥардылынна. Бирикээһи Росгвардия таһаарда.
Билиҥҥи бирикээһинэн булт саатыгар көҥүлү биэриини Росгвардия оҥорор буолла, итинэн урут МФЦ дьарыктанара.
Тустаах сайабылыанньаны уонна докумуону тус илдьэн биэрэр эбэтэр «Госуслуги» бартаал нөҥүө тиксэрэр.
Муҥутуур болдьох — 20 үлэ күнэ. Бирикээс бүгүҥҥүттэн, ол эбэтэр олунньу 1 күнүттэн олоххо киирэр.
