Ыам ыйын 7 күнүгэр киэһэ быраабы араҥаччылыыр уорган сотрудниктара Таатта улууһугар киһини өлөрүүгэ уорбаланааччыны туттулар. 51 саастаах эр киһини кытта силиэстийэлиир үлэ барар, Саха сирин Силиэстийэ кэмитиэтэ иһитиннэрэр.
Уорбаланааччыны тутууга силиэстийэ уорганнара, ИДьМ Саха сиринээҕи салаатын суһал подразделениета уонна «Алмаз» түргэн эппиэттээх анал этэрээт үлэлээтилэр.
Эрдэ Силиэстийэ кэмитиэтэ 51 саастаах Туора Күөл олохтооҕо Андрей Бояровы көрдөөһүнү биллэрбитэ. Эр киһи эрдэ сууттаныылаах.
Санаттахха, ыам ыйын 5 күнүгэр Таатта оройуонугар Томтор сэлиэнньэттэн 20 км тэйиччи сылгы баазатыгар быһылаан тахсыбыта. Биир киһи өлбүт, иккис киһи илиитигэр уонна иһигэр эчэйиилээх балыыһаҕа киирбит.
