Быһылаан изоляторга буолла, манна чаастарын бэйэ баҕа өттүнэн хаалларан барбыт байыаннай сулууспалаахтар олорбуттара биллэр. Эбийиэккэ бааһырбыттар, бэйэлэрин статустарын кэтэһэ сытааччылар, баар буолуохтарын сөбө этиллэр.
«Дьон өллө. Статустара хайдаҕын да иһин, бу иэдээн. Сэлиэстийэ барар, Илиҥҥи байыаннай уокуруктан улахан хамыыһыйа кэлэн үлэлээтэ. Бу биһиги эбийиэкпит буолбатах, оборуона министиэристибэтин бас билиитэ. Биһиги дьиэни кинилэр тутталларыгар биэрбиппит. Баһаар тоҕо буолла, тоҕо бириэмэтигэр миэрэлэр ылыллыбатылар, ол туһунан сэлиэстийэ кэнниттэн оборуона министиэристибэтэ иһитиннэриэхтээх. Биһиги бэйэбит өттүбүтүттэн онно баар байыаннай сулууспалаахтар статустарын суруктарын үөрэтэбит. Дьыаланы тиһэҕэр тириэрдиэхпит», — диэтэ Ил Дархан.
Баһаарга биэс киһи өллө, сэттэ эчэйдэ.