Тыа хаһаайыстыбатын министиэристибэтэ Горнай улууһун Бэс Күөлүгэр тыа хаһаайыстыбатыгар тахсыбыт хоромньуну билистэ. Атырдьах ыйын 8 күнүгэр сүөһү иитиитигэр Департамент салайааччытын солбуйааччы Николай Питимко ветеринария Управлениетын кытары нэһилиэк эмсэҕэлээбит түөлбэтигэр үлэлээтэ.
Бэс Күөлүгэр уопсайа 578 сүөһү (287 ынах), 614 сылгы (427 – биэ), 1223 гектар оттуур ходуһа баара биллэр. Итинтэн уот ылбыт түөлбэтигэр 10 тарбыйах, 8 сибиинньэ, 8 куурусса, биэс хотон, биир МТЗ-82 тыраахтыр, биир уу баһар массыына, биир прицеп уонна 38 туонна от уокка былдьаммыттар.
Билигин ветеринария Департаменын кытары өлүктэри чуолкайдааһын, харайыы боппуруоһа быһаарыллар. Тыа хаһаайыстыбатыгар тахсыбыт хоромньуну салгыы ааҕаллар. Көмө оҥоруутун тобулаллар.
