22 От ыйа 22.07
  • 15°
  • $ 88,02
  • 96,04

Бэчэнчэ олохтоохторун сибээс, суол уонна авиабилиэт боппуруостара долгутар

10:01, 14 февраля 2023
Текст:
Фото: Пресс-служба главы и правительства РС(Я)
Читайте нас на
Яндекс Новости
ЯДВ

Ленскэй оройуонун Бэчэнчэтигэр бырабыыталыстыба отчуотугар мобильнай сибээс, суол, доруобуйа харыстабылын киинин уонна авиабилеттар тустарынан кэпсэттилэр, СИА-ҕа регион салалтатын пресс-сулууспата суруйда.

Бэчэнчэҕэ 700-тэн тахса киһи олорор. Оройуон кииниттэн 60 км тэйиччи. Ол гынан баран билигин да сотовай сибээстэрэ уонна мобильнай интернеттара суох. Ити эрээри ВОЛС тардыллыбыт, онон интернет дьиэлэргэ баар, дьон Wi-Fi нөҥүө кэпсэтэр.

Олохтоохторго отчуоту вице-премьер Ольга Балабкина уонна оройуон баһылыга Жумарт Абильманов туруордулар. Кинилэр сотовай сибээс, саҥа култуурунай-сынньанар киин тутуутун, Ленскэй — Дьокуускай хайысханан субсидиялаах билиэттэр, аэропорт өрөмүөнүн, Ленскэй – Мииринэй хайысханан суолу кэпсэттилэр.

Ленскэй куоратыгар аэропорт реконструкцията федеральнай бырагыраамаҕа киирэн турар. Ленскэй уонна Мииринэй ардынааҕы суол федеральнай бас билиигэ көһөрүлүннэҕинэ быһаарыллара этилиннэ.

Култуура-сынньалаҥ киинин тутуута уонна субсидиялаах авиабилиэттэр кэлэр регион бырабыыталыстыбатын мунньаҕар көрүллүөхтэрэ диэн буолла.

Жумарт Абильманов эппитинэн, Толонтон уонна Инньэлиттэн ураты бары нэһилиэнньэлээх пууннар мобильнай сибээстээхтэр. 500-кэ диэри киһилээх нэһилиэктэр 4G сибээһинэн быйыл хааччыллыахтара. «Ити эрээри Бэчэнчэҕэ 700 киһи олорор, онон бу боппуруоһу ханнык бырагыраамаҕа киллэрэн быһаарар туһунан үлэ ыытыахпыт. Ол сатамматаҕына, оройуон бюджетыттан үбүлээһини көрүөхпүт», — диэтэ быһылык.

Следите за самым важным и интересным в Telegram-канале и WhatsApp-группе ЯСИА