Саха сиригэр саас кэлбитин, айылҕа уһуктубутун бэлиэтинэн кус-хаас, көтөр-сүүрэр саҥата элбээбитэ буолар.
Баччаларга мааны көтөрдөр кубалар дэриэбинэ таһынааҕы күөллэргэ олорор үгэстээхтэр. Онон дьон элбэхтэ кинилэри көрөр.
Мэҥэ Хаҥалас улууһун Бөкө эбэтигэр кубалар түһэн, хоҥкунас саҥаларынан күөлү толорбуттарын, кэрэ көстүүнү дьоҥҥо бэлэхтээбиттэрин «Эркээйи» хаһыат МАХ-ханаала суруйда.
Ааспыт нэдиэлэҕэ Томпоттон Евдокия Неустроева туруйалар күөлгэ дьаарбайа сылдьалларын хаартыскаҕа уонна видеоҕа дьон түһэрбитин ыыппыта. «Кэрэ көтөрдөрү көрүү дьол дииллэр. Хаандыга бөһүөлэгиттэн чугас бу күннэргэ эдэр ыал айылҕаҕа сынньана сылдьан икки туруйаны көрдүлэр. Бу бэйэтэ арай да сэдэх көстүүтүн таһынан эдэрдэргэ дьоллоох олоҕу түстүүр», — диэн бэлиэтээбитэ кини.
Хаартыска: Евдокия Неустроева тиксэриитэ.
