Иитиэх кустаах кусчуттарга булт сезона арыллыбыта хас да хонук буолла. Бэҕэһээ, Чурапчы улууһун дьаһалтатыттан бастакы көҕөн иһин 100 устуука ботуруону хадаардар ыллылар.
Бу сарсыарда Мындаҕаайы бөһүөлэгэр, кадровай булчут Герман Иннокентьевич Николаев төрөппүт кыыһа Сахая Германовна, быйыл эрэ атыыласпыт «Армс st500» саатын уоһун бастакы көҕөн тумсунан хааннаата.
Сахая ирдэбил быһыытынан бултуурга көҥүл, билиэт ылан, сахалыы сиэри-туому тутуһан бэркэ бултуу-алтыы сылдьар кыыһынан биллэр, СИА-ҕа суруйда Семен Жендринскэй.
