Ыам ыйын 1 күнүн көрсө Саха сирин баһылыга Айсен Николаев араас идэлэр бэтэрээннэригэр уонна бэрэстэбиитэллэригэр 300 тыһыынча солкуобайдаах «Үлэ Киһитэ» бириэмийэлэри туттарда. Наҕараадаламмыттар ортолоругар ойууру харыстааччылар, баһаарынайдар, медиктэр, преподавателлэр, балыксыттар, тутааччылар, урбаанньыттар, ОДЬКХ үлэһиттэрэ, машинистар бааллар.
«Саха сиригэр саас уонна үлэ күнүн иннинэ өрөспүүбүлүкэ бастыҥ үлэһиттэригэр «Үлэ Киһитэ» бириэмийэни туттарыы үтүө үгэскэ кубулуйда. Сыл аайы үлэ кэлэктииптэрин 50 бэрэстэбиитэлэ талыллар, улахан хамыыһыйа үлэлиир. Чуолаан бэйэлэрин үлэлэринэн өрөспүүбүлүкэбитин, дойдубутун бөҕөргөтөр үлэһит дьон наҕараадаланаллар. Бүгүн наҕараадаламмыттар ортолоругар араас идэлэр бэрэстэбиитэллэрэ бааллар. < … > Онно — биһиги Сахабыт сирин күүһэ көстөр», — диэн регион баһылыга Айсен Николаев бэлиэтээтэ.
Быйыл 15 оройуонтан уонна Дьокуускайтан 50 уһулуччулаах үлэһит лауреаттарынан буоллулар.
Санатан эттэххэ, «Үлэ Киһитэ» бириэмийэ Саха сирин баһылыга Айсен Николаев ыйааҕынан олохтоммута. Наҕараадалары 2023 сылтан сыл аайы туттараллар.
