Атырдьах ыйын 23 диэн Грегориан халандаарыгар сыл 235-с күнэ (ордук хонуктаах сылга 236-c күнэ). Сыл бүтүө 130 күн баар. 1956 сыллаахха — ССРС Миниистирдэрин Сэбиэтин Уурааҕынан Саха государственнай педагогика институтун оннугар Саха государственнай университета тэриллибит. 1956-1957 үөрэх дьылыгар 1200 устудьуон үөрэнэрэ, 111 преподаватель, ол иһигэр икки дуоктар, 34 билим хандьыдааттара үлэлииллэрэ. Билигин М. К. Аммосов аатынан Хотугулуу-Илиҥҥи федеральнай университет, кылгастык ХИФУ — Россия Азия өттүгэр ордук улахан университеттарыттан биирдэстэрэ.
- 1913 — Копенһагеҥҥа Ганс Христиан Андерсен остуоруйаларын дьоруойугар Русалкаҕа мэҥэ туруорбуттар.
- 1935 — Москубаҕа Кириэмил башняларыгар икки бастаах хотойдору биэс салаалаах сулустарынан солбуйарга Политбюро дьаһайбыт.
- 1939 — Германия уонна Сэбиэскэй Сойуус сэриинэн саба түһүспэт туһунан дуогабар (пакт) түһэрсибиттэр. Дуогабарга Илин Европа дойдуларын үллэстибиттэрэ биллэр. Бу дуогабары туһанан Германия сүрүн өстөөхтөрүн Францияны уонна Сэбиэскэй Сойууһу утары биирдиилээн сэриилэһэр кыахтаммыта. Онтон Сэбиэскэй Сойуус сэриигэ бэлэмнэнэр кэми сүүйбүтэ.
- 1942 — Сталинградтааҕы кыргыһыы кэмигэр ньиэмэс аармыйата Волга өрүһүн кытылыгар тахсыбыт.
- 1956 — ССРС Миниистирдэрин Сэбиэтин Уурааҕынан Саха государственнай педагогика институтун оннугар Саха государственнай университета тэриллибит.
- 1973 — Швеция киин куоратыгар Стокhольмҥа табыллыбытах баан халааһына буолбут. Халааччылар 5 күн аманааттары (заложниктары) тутан олорбуттар, ол кэм иһигэр аманааттар атаҕастааччыларын сөбүлээн барбыттар эбит. Бу быһылаан «Стокhольм синдрома» диэн тиэрмини үөскэппит.
- 1989 — Ыллыыр өрөбөлүүссүйэ: Эстония, Латвия уонна Литва 2 мөлүйүөн олохтооҕо Вильнюс — Таллинн суолга илиилэринэн тутуһан 600 км усталаах тыыннаах субурҕа оҥорбуттар.
Төрөөбүттэр:
- 1825 — Ричард Маак — 1854—1855 сылларга Бүлүүтээҕи эспэдииссийэ начальнига.
- 1914 — Софрон Данилов — Аҕа дойду Улуу сэриитин кыттыылааҕа, Саха Сирин уһун үйэлээх олохтооҕо.
- 1945 — Василий Власов — 1998—2002 сс. Саха Өрөспүүбүлүкэтин Бырабыыталыстыбатын Бэрэстээтэлэ.
- 1948 — Юрий Ехануров — 2005—2006 сылларга Украина премьер-миниистирэ, 2007—2009 сылларга Украина оборуонатын миниистирэ, Саха сиригэр Уус-Майа Бэлькичитигэр төрөөбүт, омугунан бүрээт.
Өлбүттэр:
- 1944 — Георгий Шавкунов — сэрии иннинэ Дьокуускайга кэлэн олохсуйбут Сэбиэскэй Союз Дьоруойа.
