Анаабыр улууһун Сааскылаах нэһилиэгэр көһөрүү бырагырааматынан икки 12-лии квартиралаах олорор дьиэлэри тутуу саҕаламмыт. Маны таһынан, «Алмаз» этнокультурнай киин капитальнай өрөмүөнэ, хочуолунай тутуута бара турар. Бу туһунан Ulus.media суруйар.
12 квартиралаах олорор дьиэлэри «ФОРС» ХЭТ 14 киһилээх биригээдэтэ ыам ыйыттан тутан саҕалаабыт.
«Алмаз» этнокультурнай киин капитальнай өрөмүөнэ 90% бүппүт.
Кэтэх дьиэни туттууга улуус бырагырааматынан быйыл Сааскылаах 11, Үрүҥ Хайа түөрт ыалыгар тутуу матырыйаалын биэрбиттэр. Маннык көмө Анаабыр улууһугар атын бас билэр дьиэтэ суох, «Эдэр ыал» государственнай бырагыраама испииһэгэр турбат, сир учаастагар докумуоннаах ыалга оҥоһуллар.
Былырыын Үрүҥ Хайаҕа арктическай культурнай киин үлэҕэ киирбитэ. Сааскылаахха спортивнай саала, 12, 8, 4 — квартиралаах олорор дьиэлэр.
