Атырдьах ыйыгар Абый улууһун Тирэхтээх өрүс эҥэриттэн үчүгэйдик хараллыбыт носорог оҕотун бултара. 2014 сыллаахха манна «Саша» диэн носорог сорҕотун бултара, былырыын «Борис» уонна «Спарта» диэн хайа хахайдарын.
«Носорог быһа холоон 3-4 саастаах. Ууга түһэн өлбүт курдук. Өлүк туруга олус үчүгэйдик хараллыбыт, носорог ис буотараҕын сорҕото баар. Инникитин ити чинчийиигэ көмөлөөх буолуо», — диир биологическай наука дуоктара, чинчийээччи Альберт Протопопов.
Палеонтологтар булумньу 80% хараллыылааҕын бэлиэтииллэр. Бу иннинээҕи, 2007 сыллаахха булуллубут Халыматааҕы носорог, 60% хараллыылаах диэн этэ.
Носорогу Дьокуускайга тохсунньуга аҕалар былааннаахтар. Булумньуну наукалар Академияларыгар чинчийиэхтэрэ.
