20 От ыйа 20.07
  • 17°
  • $ 88,02
  • 96,04

Жатайдааҕы судоверфь тутуута бытаан

18:01, 16 сентября 2020
Текст:
Читайте нас на
Яндекс Новости
ЯДВ

Бырабыыталыстыба бэрэссэдээтэлин э.т. Андрей Тарасенко Жатайдааҕы судоверфь эбийиэктэрин тутуутун билистэ. Кини тутуу хаамыыта бытаанын бэлиэтиир. Бу туһунан Андрей Тарасенко Твиттерга суруйар.   


«Эбийиэги хас икки нэдиэлэ аайы көрөбүт – хамсааһын баар. Ол эрэн, атырдьах ыйын 9 күнүгэр, бастакы сырыым кэннэ, үлэһиттэр ахсааннарын икки төгүл үрдэппиппит да, үлэ бытаан. Билигин бетон үлэтин, тимир конструкциялары таҥыыны түргэтитэллэрэ наада«, — диэбит Андрей Тарасенко.

Атырдьах ыйын 5 күнүгэр Ил Дархан Айсен Николаев Жатайдааҕы судоверфь тутуутугар анаммыт мунньахха Бырабыыталыстыба бэрэссэдээтэлин э.т. Андрей Тарасенкоҕа тутууну тус хонтуруолугар ыларыгар, кыраапыгы ситиһэри сорудахтаабыта.

Жатайдааҕы өрүс аалларын өрөмүөннүүр, тутар собуот РФ «Развитие судостроения и морской техники для освоения шельфовых месторождений» бырагырааматын нөҥүө үбүлэнэн тутуллар. Собуот бастакы уочарата 2021 үлэҕэ киириэхтээх.

Следите за самым важным и интересным в Telegram-канале и WhatsApp-группе ЯСИА