23 От ыйа 23.07
  • 28°
  • $ 87,78
  • 95,76

Ыччат сыла биллэриллиэ

10:26, 13 сентября 2016
Читайте нас на
Яндекс Новости
ЯДВ

Ааспыт өрөбүл күннэргэ буолан ааспыт ыччат уопсастыбаннай түмсүүлэрин уочараттаах съеһигэр СӨ Ил Дархана Егор Борисов кэлэр 2017 сыл өрөспүүбүлүкэҕэ Ыччат сылынан биллэриллэрин туһунан эттэ.

Бу дьаһал ыччат көҕүлээһиннэрэ сайдарыгар, эдэр дьон олоҕо тупсарыгар төһүү күүс буолуоҕа. Быйылгы съезд икки күн устата биэс секциянан ньиргиччи үлэлээтэ. Ыччат хамсааһына сайдарыгар анаан чопчу этиилэр уонна бырайыактар киирдилэр. Ил Дархан үгүс этиилэри сэҥээрэ иһиттэ уонна ыччат бэлиитикэтин туһунан ыйаахха киириэхтэрин эрэннэрдэ.

Съезкэ үгүс улуустартан кэлбит эдэр дьон аһаҕастык санааларын атастаһан, инники былааннарын туорумнаатылар. Бу дьаһал тэрийээччилэриттэн биирдэстэрэ, Ыччат бырабыыталыстыбата бастыҥ бырайыагы талла. Ол курдук «Инникигэ дьулуур» диэн кинигэ серията кыайыылаах таҕыста. Бырайыагы Геннадий Охлопков салайааччылаах «Дьулуур» хамсааһын көмүскээтэ. Бу кинигэлэр оҕо бары өттүттэн сайдыылаах буолан тахсарыгар ананыахтара. Манна «Хайдах лидер буолуохха сөбүй?», «Баҕа санааны олоххо хайдах киллэрэбит?» диэн түһүмэхтэр баар буолуохтара.

Следите за самым важным и интересным в Telegram-канале и WhatsApp-группе ЯСИА