Саха сирин түөрт оройуонугар «Метеор-М» космическай аппарааттаах Союз-2.1 ракета сорох чаастара түһэллэрэ күүтүллэр. Көтүү «Восточнай» космодромтан бэс ыйын 27 күнүгэр ыытыллара былааннанар.
Ол туһунан «Госкомобеспечение» тэрилтэ иһитиннэрдэ. Алдан уонна Өлүөхүмэ оройуоттарыгар ракета төбөтүн «обтекателя», оттон Бүлүү уонна Үөһээ Бүлүү улуустарыгар — кутуругун өттүттэн уонна киин блоктан.
Тустаах улуустарга Быыһыыр сулууспа сотрудниктара бардылар, техниканан уонна оборудованиенан хааччыллыбыттар.
Биэдэмистибэҕэ эппиттэринэн, олохтоохтору ойуурга тахсыыттан туттуналларыгар сүбэлииллэр, болҕомтолоох буоларга ыҥыраллар, ЧС тахсар түбэлтэтигэр «112» нүөмэргэ эрийэллэригэр сэрэттилэр.
