«Кыайыы Знамята» бүтүн Арассыыйатаа5ы күрэххэ саха боксёра Назар Андреев кытынна, финалга Челябинскай уобалас бэрэстэбиитэлин кыайан бастаата. Өссө икки саха спортсменнаара бу турнирга наҕараадаҕа тигистилэр, диэн СИА кэпсиир.
Күрэхтэһиигэ алта саха боксердара кытыннылар, оттон 80 киилэҕэ диэри ыйааһыҥҥа Назар Андреев финалга Челябинскайтан сылдьар Виталий Котову 5:0 ахсаанынан кыайан бастаата. Киниэхэ бириис быһыытынан 400 тыһыынча солк. суумалаах сертификат туттарылынна.
Финалга диэри, Рязаньтан сылдьар боксеру кыайан, Саха сирин сүүмэрдэммит хамаандатын өссө биир лидерэ Валерий-Талбан Егоров (48 кг) тиийдэ, ол гынан баран, судьуйалар быһаарыыларынан, кини Москва уобалаһын бэрэстэбиитэлигэр хотторон кэбистэ. 51 кг диэри ыйааһыҥҥа Саха сириттэн Николай Григорьев боруонса мэтээли ылла.
