24 Ыам ыйа 24.05
  • -7°
  • $ 104,68
  • 115,6

Саха сирин сумоистара Россия чемпионатыгар айаннаатылар

12:01, 11 февраля 2021
Текст:

Сумоҕа Россия чемпионатыгар Саха сирин сүүмэрдэммит хамаандата 12 бөҕөһү кытыннарар. Күрэхтэһии олунньу 12 — 14 күннэригэр Казаньҥа ыытыллар, СИА суруйар.


Хамаанда сүрүннээн титуллаах хапсаҕайдьыттартан турар. Өрөспүүбүлүкэ чемпионатын кыайыылаахтара уонна призердара, Россия көҥүл тустууга спордун маастардара Саха сирин көмүскүөхтэрэ.

Сүүмэрдэммит хамаандаҕа үөһээ бүлүүлэр Вилюян Иванов (70 кг), Рустам Прокопьев (77 кг), Платон Саввинов (85 кг), сунтаардар Павел Дорофеев (92 кг), Степан Пахомов (100 кг), Гаврил Михайлов (115 кг), Игнат Андросов (70) Тааттаттан, Олег Чернов (85) Томпоттон, Игорь Софронеев (85) уонна Александр Румин (100) Намтан, Уус Алдантан Евгений Алексеев (115) уонна Ньурбаттан Дьулустан Андреев (115 кг үөһэ).

Санатар эбит буоллахха, 2019 сыллаахха Саха сирин хамаандата Россия Кубогын хаһаайынынан буолбута.

Следите за самым важным и интересным в Telegram-канале и WhatsApp-группе ЯСИА
0
0
Тутаах тыллар