2022 сыл бүтүөҕүттэн Саха сиригэр анал байыаннай дьайыы кыттыылаахтарыгар уонна кинилэр дьиэ кэргэттэригэр медицина көмөтүн оҥоруу тэриллибитэ.
Ол кэмтэн маннык көмөнү 1400 байыаннай сулууспалаах ылла. Ол туһунан доруобуйа харыстабылын министиэристибэтин кылаабынай терапева Айталина Торонова олунньу 26 күнүнээҕи брифиҥҥэ кэпсээтэ.
Психотерапевтическай уонна психиатрическай медицина көмөтүн 300-тэн тахса СВО кыттыылааҕа ылла, санаторнай-курортнай эмтэниини – 90-тан тахса байыас. Байыастар дьиэ кэргэттэрэ эмиэ көрдөрүннүлэр.
«Өрөспүүбүлүкэ баһылыга Айсен Николаев ыйааҕынан доруобуйа харыстабылын үлэһиттэрэ госпиталларга бараллар, биир дойдулаахтарбытыгар көмөлөһө. Кулун тутарга дылы медицина биригээдэлэрэ бараллара былааннанар. Кинилэр ортолоругар хирургтар, травматологтар, психологтар уонна психотерапевтар бааллар», — диэтэ Айталина Торонова.
