16 От ыйа 16.07
  • 28°
  • $ 87,81
  • 95,78

Саха сирэ Россия президенин быыбарыгар бэлэмнэнэр

09:28, 12 марта
Текст:
Хаартыска: ЯСИА саайта
Читайте нас на
Яндекс Новости
ЯДВ

Саха сиригэр кулун тутар 15 — 17 күннэригэр буолар РФ президенин быыбарыгар бэлэмнэнии тэрээһиннэрэ түмүктэнэллэр. 35 территориальнай быыбар хамыыһыйата үлэлиир, 811 быыбардыыр учаастак арылларга бэлэм, ол иһигэр 790 бастайааннай, маны сэргэ 21 быстах кэмҥэ үлэлиир учаастак.

Саха сиригэр 2024 сыл тохсунньу 1 күнүнээҕи туругунан, өрөспүүбүлүкэҕэ 638 429 быыбардааччы регистрациялаах: 18–35 саас – 33%; 36–59 сааст — 43%; 60 уонна онтон үөһэ – 24%. Аан бастакытын куоластааччы ахсаана – 5478 киһи.

Кулун тутар 10 күнүнээҕи туругунан, ыраах уонна суола-ииһэ суох нэһилиэнньэлээх пууннарга 6806 быыбардааччы бэйэтин куолаһын биэрдэ.

Өрөспүүбүлүкэҕэ барыта 641600 быыбар бүлүтүөнэ оҥоһулунна.

Россия президенин быыбарыгар аан бастаан куоластыырга анаммыт сейф-бакыаттар анал мааркалара баар буолуоҕа. Региоҥҥа 15 400 анал маарка баар, быыбар учаастактарынан тарҕанна, диэн иһитиннэрдэ киин быыбар хамыыһыйатын бэрэссэдээтэлэ Евгений Федоров.

Быыбар учаастактара ирдэбиллэри толордулар.

Следите за самым важным и интересным в Telegram-канале и WhatsApp-группе ЯСИА