16 От ыйа 16.07
  • 28°
  • $ 87,81
  • 95,78

Саха быраастара Илиҥҥи байыаннай уокурук госпиталларыгар үлэлии барар былааннаахтар

Хаартыска: ЯСИА саайта
Читайте нас на
Яндекс Новости
ЯДВ

Саха сирин доруобуйатын харыстабылын систиэмэтэ 2022 сыл алтынньытыттан СВО кыттыылаахтарыгар уонна кинилэр дьиэ кэргэттэригэр медицина өҥөтүн оҥорор уонна реабилитацияланалларыгар көмө буолар.

Бу сыл бастакы кыбаарталыгар Илиҥҥи байыаннай уокурук госпиталларыгар саха быраастара үлэлии барар былааннаахтар. Ол туһунан тустаах министиэристибэ кылаабынай терапева Айталина Торонова эттэ, суруйда регион салалтатын пресс-сулууспата.

«Ил Дархан Айсен Николаев сорудаҕынан бааһырбыт СВО кыттыылаахтарыгар медицина өҥөтүн оҥорор сыаллаах ааспыт сылтан дойду араас госпиталларыгар баран үлэлиибит. Бүтэһикпитин Уһук Илиҥҥи федеральнай уокурукка сылдьыбыппыт. Билигин Илиҥҥи байыаннай уокурукка былаанныыбыт», — диэтэ Айталина Торонова.

Ааспыт кэмҥэ өрөспүүбүлүкэ медицина тэрилтэлэрэ СВО 1372 кыттыылааҕар көмө оҥордулар.

Психотерапевтическай уонна психиатрическай медицина көмөтүн 307 киһи ылла, санаторнай-курортнай эмтэниини – бойобуой дьайыы 96 бэтэрээнэ ааста.

Анал байыаннай дьайыы кыттыылааҕар уонна кини дьиэ кэргэнигэр бары өттүнэн көмө дойду президенэ Владимир Путин сорудаҕынан оҥоһуллар.

Следите за самым важным и интересным в Telegram-канале и WhatsApp-группе ЯСИА