22 От ыйа 22.07
  • 15°
  • $ 88,02
  • 96,04

Өрөспүүбүлүкэҕэ “Бүтэһик чуораан” ыытыллар күнэ быһаарылынна

13:01, 07 мая
Текст:
Хаартыска: Саха сирэ саайт
Читайте нас на
Яндекс Новости
ЯДВ
Саха сиригэр быйыл “Бүтэһик чуораан” тэрээһиннэрэ ыам ыйын 24-25 күннэригэр буолуохтара. Бу туһунан Үөрэх уонна билим миниистирэ Нюргуна Соколова иһитиннэрэр.

Миниистир Нюргуна Соколова Үөрэх уонна билим министиэристибэтин, биэдэмистибэннэй тэрилтэлэр, үөрэх управлениеларын үлэһиттэрэ кыттыылаах улахан былааннаһыыны ыыппытын туһунан тус телеграм-ханаалыгар суруйда.

Мунньахха Кыайыы күнүн, уруок кэмигэр сиэп төлөпүөнүн туттубат туһунан сокуон, тус сыаллаах үөрэх, уо.д.а. пууннар тула кэпсэтии барда.

Быйыл Саха сиригэр “Бүтэһик чуораан” тэрээһиннэрэ ыам ыйын 24-25 күннэригэр, оскуоланы бүтэрэр үөрүүлээх тэрээһин (выпускные вечера) бэс ыйын 28-29 күннэригэр ыытыллыахтара диэн суруйар. Урукку сылларга бу икки үөрүүлээх тэрээһиннэри хаһан ыыталларын оскуолалар, төрөппүттэр бэйэлэрэ быһаарар эбит буоллахтарына, аҕыйах сылтан бэттэх, оҕолор эксээмэннэригэр мэһэйдэппэттэрин туһугар чопчу күннэри аныыллар.

Следите за самым важным и интересным в Telegram-канале и WhatsApp-группе ЯСИА