Туриҥҥа уонна Ванкуверга ыытыллыбыт Олимпийскай оонньууларга кыайыылаах Анна Богалий Саха сиригэр кэлэр. Кини Алдан куоракка буолар Бүтүн Россиятааҕы күрэхтэһиигэ сылдьыа уонна бэйэтин бирииһигэр ыытыллар Кубок тэрийиитин быһаарсыа, диэн СИА иһитиннэрэр.
Ааттаах-суоллаах спортсменка Саха сиригэр кэлиитэ 2020-2021 сылларга Алдаҥҥа буолуохтаах эдэр биатлонистар Бүтүн Россиятааҕы «Кубок Анны Богалий — SkiMir» күрэхтэрин кытта сибээстээх. Анна Богалий Саха сиригэр сэтинньи 2-с чыыһылатыгар кэлиэхтээх.
Анна Богалий бирииһигэр күрэхтэһии бу сырыыга Сосновай борга, Мурманскайга, Магнитогорскайга, Южно-Сахалинскайга, финал — Новосибирскайга буолуохтара.
Анна Богалий Олимпийскай оонньуулар икки төгүллээх чөмпүйүөннэрэ, аан дойду чемпионаттарын үс кыһыл көмүс, түөрт үрүҥ көмүс, биир боруонса мэтээллэр хаһаайыннара. «Азия оҕолоро» Кыһыҥҥы оонньуулар посоллара.
