26 От ыйа 26.07
  • 19°
  • $ 85,41
  • 93,17

Ньурба улууһугар быыбардааччы 50%-тан тахсата куоластаата

Читайте нас на
Яндекс Новости
ЯДВ

Быыбар үһүс күнүгэр 10 чааска Ньурба улууһугар СӨ Ил Дарханын уонна партийнай испииһэгинэн Ил Түмэн дьокутааттарын быыбарыгар кыттыы 50,71% буолла, ол эбэтэр 8815 киһи кэлэн куоластаата.

Ил Түмэҥҥэ Ньурбатааҕы биир мандаттаах уокуругунан куоластааһыҥҥа 8373 киһи кытынна (48,17%-на). Оттон улуус Сүбэтин быыбарыгар дьон кыттыыта 45,29%-ҥа тэҥнэстэ (7924 киһи). Итини сэргэ нэҺилиэктэрин баһылыктарын талар Хаҥаласка уонна Чуукаарга дьон быыбарга кыттыыта туһааннааҕынан 58%-ҥа уонна 53,3%-ҥа тэҥнэстэ.

Бүгүн көрдөххө, дьон быыбардыыр учаастагар кэлиитэ аҕырымнаабыт курдук. 399 №-дээх Лермонтовскай УИК бэрэссэдээтэлэ Изабелла Владимировна Касьянова иһитиннэринэн, кинилэр уокуруктарыгар быыбардааччылар испииһэктэригэр 535 киһи киирэн сылдьар.

«Итинтэн бүгүн 10 ч. СӨ Ил Дарханын уонна партийнай испииһэгинэн Ил Түмэн дьокутааттарын быыбарыгар – 219, 1 мандаттаах Ньурбатааҕы уокуруктан Ил Түмэн дьокутааттарын быыбарыгар – 216 уонна улуус Сүбэтин дьокутаатын быыбарыгар — 208 киһи куоластаата, — диир Изабелла Владимировна. — Ол иһигэр доруобуйаларынан хааччахтаах 9 киһи сайаапка биэрэн дьиэҕэ куоластаата.

Бастакы күн дьон кэлиитэ ордук көхтөөх этэ – 149 кэлэн куоластаабыта, бэҕэһээ – 69. Бүгүн да киэһэ 8 ч. диэри кэлэн куоластыахтара диэн күүтэбит. Дьиэҕэ быыбардыырга өссө 2 сайаапка киирбитэ, ону күнүс 2 чаастан тиийэн быыбардатыахпыт. Быыбар хаамыытын «Биир ньыгыл Арассыыйа», «Саҥа дьон» баартыйалартан уонна СӨ Уопсастыбаннай палаатыттан кэтээн көрөллөр».

Геннадий Антонов, Огни Нюрбы

Следите за самым важным и интересным в Telegram-канале и WhatsApp-группе ЯСИА