Чурапчыга ыытыллыбыт «Тоҕус томтор оонньууларыгар» Ньурба спортсмена Владимир Федоров кыайда. Сүрүн бирииһи 500 тыһ солк ылла, суруйар СИА.
Турнирга өрөспүүбүлүкэ бастыҥ «многоборецтара» кытыннылар. Бастакы күн кэнниттэн (оҕунан ытыы, 80 кг ыйааһыны көтөҕөн баран сүүрүү, мас-рестлинг уонна 400 м сүүрүү) Мэҥэ Хаҥаластан Давыд Колесов лидердаабыта. Кини кэнниттэн биирдии баалынан хаалан, түөрт кыттааччы тилэх уопсубуттара.
Иккис күн ыстаҥа, тутум эргиир, кулун тардыы, хапсаҕай уонна 116 кг ыйааһыннаах бэрэбинэ таһыыта буолла. Манна Владимир Федоров бастыҥын көрдөрдө. Бүтэһик үс көрүҥҥэ инники сырытта уонна түмүккэ бастаата.
Иккис миэстэ биэс баалынан хаалан Давыд Колесов буола. Ааспыт сыллааҕы оонньуу кыайыылааҕа Павел Друзьянов үһүстээтэ.
Салгыы: Борис Сдвижков (Амма), Алексей Ефимов (Муома), Айхал Бюлтясов (Үөһээ Бүлүү), Станислав Андросов (Чурапчы), Антон Тойтонов (Нам), Дмитрий Ноев (Чурапчы), Никита Татаринов (Таатта).
«Тоҕус томтор оонньууларын» араас сыллардааҕы кыайыылаахтарынан буолбуттара Любомир Николаев (2014, 2017), Иван Белолюбскай (2015), Рустам Ксенофонтов (2016), Дмитрий Попов (2018), Егор Филиппов (2019), Павел Друзьянов (2022), билигин — Владимир Федоров.
