Нерюнгри улууһун быыһыыр сулууспатыгар саастаах эр киһи тэллэйдии баран баран өр төннүбэтэҕин туһунан иһитиннэрии киирбит.
Ыҥырыы кэннэ түөрт быыһааччы эр киһини көрдүү барбыттар. Хата тэллэйдьити сүппүт сириттэн чугастыы булбуттар. Эр киһи туруга үчүгэй буолан, медицинскэй көмө ирдэммэтэх.
Ону сэргэ, Өлөөн улууһугар быыһааччылар от ыйын 26 күнүгэр сүппүт эр киһини салгыы көрдүү айаннаатылар. Балаҕан ыйын 2 күнүгэр кини суолун бэлиэтии көрбүттэрэр. Бу иннинэ быыһыыр сулууспа үлэһиттэрэ уонна олохтоохтор очуостаах үрэх аттыгар турар, табаһыттар базаларын бэрэбиэркэлээтилэрэ. Бүгүн,балаҕан ыйын 4 күнүгэр, салгыы кыһыҥҥы суол устун көрдүөхтэрэ.
