2024 сылга «Муус Устар» ыччат бэстибээлигэр саҥа хайысха эбилиннэ — «Открой Якутию». Онно сөп түбэһиннэрэн, икки куонкурус ыытыллар буолла «Тайны якутских просторов» уонна «Лучший в сфере туризма и гостеприимства».
Регион салалтатын пресс-сулууспата иһитиннэрбитинэн, «Тайны якутских просторов» видеоролик куонкурса өрөспүүбүлүкэ туризмҥа, култуураҕа уонна айылҕатын кыаҕын-күүһүн биллэрэр-кэпсиир сыаллаах ыытыллар.
Сайаапкалары ылыы тохсунньу 21 күнүгэр диэри тэриллэр. Муниципальнай түһүмэх кыайыылааҕа өрөспүүбүлүкэҕэ кыттар, ол тохсунньу 22 — 24 күннэригэр буолар.
Тохсунньу 29 — олунньу 9 күннэригэр куонкуруска киирбит видеороликтар туризм ааҕыныстыбатын телеграм-ханаалыгар бэчээттэниэхтэрэ.
Онно «Приз зрительских симпатий» номинацияҕа куоластааһын буолуоҕа.
