Бэс ыйын 1 күнүгэр, Оҕо көмүскэлин норуоттар икки ардыларынааҕы күнүгэр, «Лена-Транс» таһаҕас уонна пассажирдары тиэйии тэрилтэтэ Дьокуускай – Аллараа Бэстээх – Дьокуускай хайысханан сылдьар «Московский-11» теплоходунан 18-гар диэри саастаах пассажирдарга босхо айаны биллэрдэ. Бу туһунан Саха Өрөспүүбүлүкэтин тырааныспарка уонна суол хаһаайыстыбатыгар министиэристибэтэ иһитиннэрэр.
Айан-сырыы кэмэ:
— Дьокуускайтан («Намыв» ыстаансыйата, Ларионов уул., 16В): 09:00, 14:00, 18:30 чаастарга;
— Аллараа Бэстээхтэн (Пристанская уул., 33а / Өлүөнэ өрүс вокзала, Тимир суол вокзалын күүтэр саалата): 11:00, 16:00, 19:30 чаастарга.
Атын пассажирдар айан иһин төлөбүр — 250 солкуобай.
Туох эмэ ыйытыылаах буоллаххытына, маннык нүөмэринэн эрийиҥ: 8 924 595 14 14.
