25 От ыйа 25.07
  • 29°
  • $ 86,55
  • 94,38

Үлэ! Эйэ! Маай! Чурапчыларга төлөннөөх эҕэрдэ

12:01, 01 мая 2020
Текст:
Читайте нас на
Яндекс Новости
ЯДВ

Чурапчы улууһун туруу үлэһит дьоно “Эйэ! Үлэ! Маай” күнүн үлэнэн көрсөллөр. Былырыын, ыам ыйын 1 күнүгэр, оройуон киинигэр 60-ча тэрилтэ 25-тии киһилээх халыҥ холуонанан күүстээх үлэҕэ тахсыбыта. Бөх-сыыс күргүөмнээхтик хомуллубута.


Чурапчы нэһилиэгэр 2019 сыллааҕы үлэһиттэр параадтара ыам ыйын 1 күнүгэр сарсыарда 9 чаастан саҕаламмыта. Халыҥ холуонна Александр Федотов аатынан ыспартыыбынай киин таһыгар мустан, Лааһарап муостатыгар тиийэ хааман кэлбитэ.

Үлэҕэ турунуох иннинэ 1000-ча кэриҥэ дьонноох сэлэлии хаамыы “Доҕордоһуу” ырыаны бары бииргэ ыллаан дьиэрэппитэ. Эҕэрдэ тыллары Чурапчы нэһилиэгин аҕа баһылыга Владимир Сивцев, улуус дьокутааттарын Сэбиэтин бэрэссэдээтэлэ Афанасий Захаров, улуус баһылыгын эбээһинэһин толорооччуну экономика боппуруостарыгар солбуйааччы Алексей Егоров эҕэрдэлээбиттэрэ.

Ленин аатынан болуоссакка полевой куухуна, тэрилтэлэринэн сүүрүүгэ эстафета өрө таһаарыылаахтык тэриллибитэ. Ол түгэннэр хаартыскаҕа дьэҥкэтик көстөллөр.

Чурапчы улууһун үлэттэн хаһан даҕаны чаҕыйбатах дьоно бүгүн даҕаны тиэргэннэрин бөҕүн-саҕын бүтүннүү ыраастаан, дьоһуннук тэринэн олорор. Күөх Маайынан, самаан сайын кэлэн иһэринэн итии-истиҥ эҕэрдэ!

Следите за самым важным и интересным в Telegram-канале и WhatsApp-группе ЯСИА