Ыам ыйын 9-12 күннэригэр Ленскэй оройуонугар Өлүөнэ өрүс мууһа барыан сөбүн туһунан РФ ЫБММ Саха сиринээҕи управлениета иһитиннэрэр. Суукка устатыгар муус хамсаабата.
Ыам ыйын 6 күнүнээҕи, сарсыарда 9 чаастааҕы туругунан өрүс мууһун кирбиитэ өрөспүүбүлүкэни кытта кыраныыссаттан 582 км тэйиччи баар.
Аммаҕа муус алын бүүрүгэ Таатта улууһун Даайа Амматын эргин баар. Уу таһыма 450 см. Манны тыҥааһыннаах быһыы-майгы 1200 см үөскүөн сөп.
Муус үөһээҥҥи кырыыта — Амма Өннүөһүгэр.
Өлүөнэ, Алдан, Бүлүү өрүстэргэ муус алдьанан эрэр. Дьааҥыга, Халымаҕа, Индигииргэ муус турар.
